A Frankeleyn was in his compaignye Whit was his berd as is the dayesye Of his complexcion he was sangwyn Wel loued he by the morwe a sop in wyn To lyuen in delyt was euere his wone For he was Epicurus owene sone That heeld opynyoun that pleyn delit Was verray felicitee parfit An housholdere and that a greet was hee From Ld1 Curteis also and eek fre Seint Iulyan he was in his contree His breed his ale was alweys after oon A bettre envyned man was neuere noon Withouten bake mete was neuere his hous Of fressh fissh and flessh and that so plentevous From Ps That the disshes were filled to the brinke It snewed in his hous of mete and drynke Of alle deyntees that men koude bithynke After the sondry sesons of the yeer So chaunged he his mete and his soper Ful many a fat partrych hadde he in muwe And many a breem and many a luce in stuwe Wo was his cook but if his sauce weere Poynaunt and sharp and redy al his geere Hys table dormaunt in his halle alway Stood redy couered al the longe day At sessions ther was he lord and sire Ful ofte tyme he was knyght of the shire An anlaas and a gipser al of sylk Heeng at his girdel whit as morne mylk