A twelf monthe and excuse hym at the fulle Ful pryuely a fynch eek koude he pulle And if he foond owher a good felawe He wolde techen hym to haue noon awe In swich caas of the Ercedeknes curs But if a mannes soule were in his purs For in his purs he sholde ypunysshed be Purs is the Ercedeknes helle seyde he But wel I woot he lyed right in dede Of cursyng oghte ech gilty man drede From Ad1 And therof toke the Sompnour lytyl hede For curs wol sle right as assoillyng sauyth And also war hym of a Significauit In daunger hadde he at his owene gyse The yonge gerles of the diocise And knew hir conseil and was al hir reed A gerland hadde he set vpon his heed As greet as it were for an Ale stake A bokeler hadde he maad hym of a cake With hym ther rood a gentil Pardoner Of Rouncyual his freend and his comper That streight was comen fro the Court of Rome Ful loude he soong com hyder loue to me This Somonour baar to hym a styf burdoun Was neuere trompe of half so greet a soun This Pardoner hadde heer as yelow as wex But smothe it heeng as dooth a stryke of flex By ounces henge his lokkes that he hadde