On which was first writen a crowned A And after Amor vincit omnia Another Nonne with hire hadde she From Cx1 Ful fair of hewe and bright of faas That was hire Chapeleyne and preestes thre A Monk ther was a fair for the maystrye From Cx1 Whiche afore that tyme hadde be An outrydere that louede venerye A manly man to been an Abbot able Ful many a deyntee hors hadde he in stable And whanne he rood men myghte his brydel heere Gyngle in a whistlynge wynd as cleere And eek as loude as dooth the chapel belle There as this lord is kepere of the selle The rule of Seint Maure or of Seint Beneyt By cause that it was oold and somdeel streyt This ilke Monk leet oolde thynges pace And heeld after the newe world the space He yaf noght of that text a pulled hen That seith that hunters been none holy men Ne that a Monk whan he is recchelees Is likned til a fissh that is waterlees This is to seyn a Monk out of his Cloystre But thilke text heeld he nat worth an Oystre And I seyde his opynyon was good What sholde he studie and make hymseluen wood Vpon a book in cloystre alwey to poure Or swynke with his handes and laboure As Austyn bit how shal the world be serued