Vp on the which brook / ther stant a MelleAnd this is verray sooth / þᵗat I yow telleA Miller͗e was ther dwellyng many a dayAs any Pecok he was proud and gayPipen he koude / and fisshe / and nettes beeteAnd torne coppes / and wel wrastle and sheeteAnd by his belt he baar a long PanadeAnd of a swerd / ful trenchaunt was the bladeA ioly popper͗e / baar he in his poucheTher was no man / for ꝑperil dorste hym toucheA Sheffeld thwitel / baar he in his hoseRound was his face / and camuse was his noseAs piled as an Ape / was his skulleHe was a Market beter͗e / atte fulleTher dorste no wight hand vp on hym leggeThat he ne swoor / he sholde anon abeggeA theef he was for sothe / of corn and meleAnd þᵗat a sleigh / and vsant for to steleHis name was hoten / deynous SymkynA wif he hadde / comen of noble kynThe person of the toun / hir fader wasWith hir͗e he yaf / ful many a panne a brasFor þᵗat Symkyn / sholde in his blood allyeShe was yfostred / in a NonneryeFor Symkyn / wolde no wyf as he saydeBut she were wel ynorissed and a maydeTo sauen / his estaat of yemanryeAnd she was proud / and peert as is a pyeA ful fair sighte / was it vp on hem twoOn halidayes / biforn hir͗e wolde he goWith his tipet wounden aboute his heedAnd she cam after / in a gyte of reedAnd Symkyn / hadde hosen of the sameTher dorste no wight clepen hire but dameWas noon so hardy / þᵗat wente by the weyeThat with hire / dorste rage / or ones pleyeBut if he / wolde be slayn of SymkynWith panade / or with knyf or boydekynFor Ialous folk / been ꝑperilouse eueremoAlgate / they wolde hir wyues wenden so fostering collation