That dwelten in the halle / of which I seyeTestyf they were / and lusty for to pleyeAnd oonly / for hir myrthe and reueryeVp on the wardeyn / bisily they cryeTo yeue hem leue / but a Litel stoundeTo go to Mille / and seen hir corn ygroundeAnd hardily / they dorste leye hir nekkeThe Millere / sholde noght stelen hem half a pekkeOf corn by sleighte / ne by force hem reueAnd atte laste / the wardeyn yaf hem leueIohn highte that oon / and Aleyn highte that ootherOf oon town were they born / þᵗat highte StrotherFer in the North / I kan noght telle whereThis Aleyn / maketh redy al his gereAnd on an hors / the sak he caste anonForth gooth Aleyn the clerk · and also IohnWith good swerd / and with bokeler by his sydeIohn knew the wey / hym neded no gydeAnd at the Mille / the sak adoun he layth¶ Aleyn spak first al hayl Symkyn in faythHow fares thy faire doghter / and thy wyf¶ Aleyn wel come / quod Symkyn by my lyfAnd Iohn also / how now / what do ye here¶ By god quod Iohn · Symond nede has na peereHym bihoues serue hym self / þᵗat has na swaynOr ellis / he is a fool / as clerkes saynOure maunciple / I hope he wol be deedSwa werkes ay / the wanges in his heedAnd ther fore is I come / and eek AlaynTo grynde oure corn / and carie it heem agaynI pray yow / speed vs heythen / what ye may¶ It shal be doon / quod Symkyn by my fayWhat wol ye doon / whil þᵗat it is in hande¶ By god / right by the hoꝑper / wol I standeQuod Iohn / and se how the corn gas InYet saw I neuere / by my fader kynHow þᵗat the hoꝑper / wagges til and fra¶ Aleyn answerde / Iohn wiltow swaThanne wol I be byneth / by my crownAnd se / how þᵗat the mele falles down